|
|
Larru beltzak Hertzainak
"Denboraren orratzak"
|
|
Hertzainak taldearen "Denboraren orratzak" diskotik (OIHUKA, O-236)
Hitzak: Itxaro Borda / Musika: Josu Zabala
Neguaren bihotzeko begirada zaurituak
kurutzatzen ditugu plaza desolatuetan
gerla garaiaren mehatsuak airean doaz
justiziaren larru beltzak sardeskatuz.
Denboraren orratzak
plegatzen gabiltza
larru beltzak
josi asmoz.
Ez dago eskubiderik ahurretan hiltzen
denik gose ankerraren lautada hotzean
ongi beharraren premiak sabeletan doaz
justiziaren larru beltzak sardeskatuz.
Denboraren orratzak
plegatzen gabiltza
larru beltzak
josi asmoz.
Plaza desolatuetan galdez daude denak
noiz ote diren beren haurrak itzuliko
baina trenak umezurtzez beterik doaz
justiziaren larru beltzak sardeskatuz.
Denboraren orratzak
plegatzen gabiltza
larru beltzak
josi asmoz.
Larru beltzak
larru beltzak
larru beltzak.
|
|
|